Bis Gly

Strophe I

i weiss es wird niemaus eifach si

klari blickä ohni ihfluss giz weiss gott nid

doch isch wäg luege nid genau das womä nid sött

chriegä brächä us und es chunntmer vor aus hätts niemmer gschtört

luege nur für üs, wiu hie louft d maschinä

und d läbenszfridensheitsratä sig schiins o gschtigä

doch unmoralisch isch nid nur was angeri gäbä

luegi mau chli umä und lueg mau wie die angere läbä

es gitt lüt uf däm planet die verschwändä ke gedankä dra

werum si das glück hei und nid süsch än angere da

i weiss ni isches dummheit oder angscht

aber probiersch du nüt z ändere isch doch klar dasds nid chasch

d minderheit chunt z wort aber d merheit het z sägä

du gsesch so scheidesech d wägä

d minderheit chunt z wort aber d merheit cha entscheidä

lue zue wie d wägä sich scheidä

 

Strophe II

auso flügi uf däm beat hie ar sunnä entgägä

nid ohni blick zrügg doch i gse nüt wo mi chönnt häbä

verlieremi dinnä lerni villech z läbä nöi

fingemi dinnä lerni villech z liäbä nöi

und so viu zwingt das läbä dussä täglech id chnöi

wiu si nümm wüssä wie, wiusi eifch nümm chöi

glichziitig fahrä mir mit chärä u luegä das liächtschpiu aus fium ah

doch luegsch du mau chli gneuer merksch dä fium da het viu wahrs

wiu geisch du närä hei füählsch di wohl i dim wohnsitz

konfrontiert vomnä schicksau woder tränä ids oug tribt

zum glück ischs nur ä fium und zum glück bisch das nid du

när vergissisch au diä gfüäu aber der fium dä isch guet

und so ligemer is bett, nonä kuss när isch rueh

und tröimä vo üsnä nöiä schueh

und so liegemer is bett, nonä kuss när isch rueh.