Blibe Da

Strophe I

nasschauti strasse, blicke wo rase,

outos wo flüchtig amne randschtei nache fahre

und wär weiss villech fragsch du di genau ä so wie ig

für was mir au no da sih, wiu das ganzä macht kei sinn

uf däm wäg wo z läbä chunnt geiz haut ou verbi

ab und zue merkts när öpper und schlaht drii

oder macht när ä song drüber oder es ganzes tape

u knipst mit däm chli hoffnig ah, winä lampä wirds när heu

villech wäg dä tön oder wäg der gschicht wo är verzeut

doch ertönt hiä wider nümm, schiint närä z läbä wie abgschteut

und mir fragä üs no wieso, doch d navigation isch scho lang verlorä

mä merkt hiä wärdä keni grossä gwinner meh userkorä

drum schtosseni wiiterhin mini findlingä der bärg uf

und i weiss es wird ke gwinn bringä aber shit lug mir nämes uf

wius farb bringt imnä tag wo vor schwarz-wiss fasch ersufft

gfangä imnä glas wo dir z läbä roubt? lärs us!

 

Hook

und i blibe da, und i blibe da

ufder suechi nach chli meh blibi da

bis der himmu abegheit, bissech d ärdä nümmä träiht

lug bis denn blibi da (2x)

 

Strophe II

okey, mache mau ä punkt und

dusse wirds viu cheuter und viu schneuer ou scho dunku

nime wider es bleischtift, ufzmau isches schtumpf

ds schribä isch mi trumpf, chopf chüäu, magä dumpf

aber witer geiz, lueg mir nämä d sägu wider uf

fahre witer konsequänt i gibe das läbä hie nie uf

ou we dä autag mi autag fasch chaut macht

chlätteri wider ufe i chorb bis z oberscht zum houptmascht

aber lug i fiirämi ou nid säuber wiu i gse dadervo der sinn nid nur

weni hüt usegah und abschtürtzä wie d hindenburg

und närä triffi di und du seisch du sigsch äs problemching

aues gieng bärgab und ds dis läbä hie z problem sig

doch das gloubi ni wiu jede kämpfer erreicht

öppis woner wott, äs ziu, wius geit

auso gib nid uf, schiess nid härä, mach nid schluss

wiu z ändi chunnt de scho für aus und jedä da us

und weni irgendwenn ghout wirde mis datum da ablouft

de weisi es hetsech glohnt, ha aues gä und gmacht was i wott

luege ufe a das zäut womer aui härchömä

gse die stärnä und dänkmer s isch nid härkömläch

 

Hook

 

Strophe III

müedi zeiger träihä rundine wie gleser ire bar

und so verstriche stunde, tag und jahr

mir hocke eifach nume da und mache nüt us üsre zit

depressiv im paradies, schuss i chopf hilton paris

aber es wott niemmermeh kontakte, jede het sini kontakte

i weiss es tönt so trischt, aber lugmau das si fakte

luegi mi im abteil umä kassiereni blickä

wie wäutungergangsschtimmig, fuck die chönnti schickä

und si weisech nümm umarmä wiusi lieber zämä schribä

hundert schtunde imnä chat, lug diä chöimer gschtolä blibä

ungerdessä gani use und i gniesse die täg

gniesse die zit, mit minä lüt, wiui ni wüsst was süsch gäb

und we d wouchädecki ufzieht, de schribi wider songs

villech nur für mi, nur chli therapie, eifch so

si hei gseit dobä ufem tron sigs bequem

i ha nüt gseit und ihnä der rüggä zue kehrt

 

Hook