Strophe I
gib d luntä niemaus däm wo mit de zündhöuzer schpiut
i dä fuessgängerzonä vo europa z gwohntä bild
richtum isch nid aues aber aues cha richtum sih
schribä när ä chartä, liäbä gruess uder schwiiz
säubscht i miinä gseni glücklecheri miinä
und über öppis lachä, heisst sowieso numeno miemä
aues usserhalb vor wohnig - theaterbühni
aber frag niemmer ober öppis würd machä für di
schpiusch du überzügt, lug de trittsch uf
schpiusch hingägä schlächt hiä, de geisch druuf
machsch ä gueti fauä de fördrä si di
aber schpiusch ä schwachi rollä de vöglä si di
und wär si nid so ärnscht wär die situation hie lachhaft
aber aues womer gmacht hei, geit langsam der bach ab
chrampfhaft wird izä kompensiert
wiene pa wo niä deheimä isch doch sim sohn aues schpändiert
Hook
truregi änglä, mir si wie truregi änglä
es loufe über gschminkti backä die tränä
wie änglä wo grännä und aues beändä
truregi änglä, mir si wie truregi änglä
es loufe über gschminkti backä die tränä
wie änglä wo grännä und aues beändä
Strophe II
am afang bechunsch du es paar büecher id häng drückt
dert inn schteit was du söttsch, wasde darfsch und was nid
d outorä vermittlä wärtä wosi säuber nid verträttä
und du gseschsä nach fürabä zumne angere himu bättä
doch was si da versueche nützt ä schäiss
wie ir gladiatorä arena es win-for-life
versprächä wärdä gmacht, oftmaus brochä über nacht
aber gwählt sih si ja trotzdäm, tuschä hoffnig gägä macht
es intressiertse nid was uf de wänd schteit
inä isch o glich was da uss i dere wäut geit
doch hockemer aui ir gliche gruebe und budle e angere wäg
anstatt zämä ä leitere z biude wonis villech use brächt
und mir schpändä üs es guet gwüssä im gloube dervo gnueg z wüssä
doch z einzige womer mache isch dene wixer dobä d schue z küssä
mit vorschleg und ahsätz biudemer närä grundsätz
und ahand vo dene finge mir zämä när ä konsäns
Hook
Strophe III
und so züchtä si üs härä wiu si wüssä wärmer sih
und si häufä üs ä schäiss wiu si schpilä numä chli
ds läbä hiä wienes leiterschpiu doch nid jede würflet leider viu
villech müässemers zerschmau säuber merke für z wüssä wie ds isch
füf fäuder fürä und när zäh zahlä zrügg
isch wie für vier im monet chrampfä und nur zwe zahlä zrügg
jedi türä schteit üs offä aber lueg das isch ke zuefau
mir wartä uf da tag bis öpper chunnt und sä zueknallt
eile mit weile - nid teilä
entweder du hesch glück oder du verseisch, wiu es hiuft dir hie keinä
mir si gstartet niemmer weiss meh wo der flug dürä geit
mir schtöh doch ou nur zämä wes um d zugtürä geit
mir befindä üs uf dünnem isch doch jedä schtritets ab
im eigne gärtli ischs ja schön fruchtbar - fuck
blibemer egomanä bissech d wogä nümme glettä
aber villech wartet irgendwo ä heud wo üs wott rettä
Hook