Strophe I
i ziäh einsam dür dä märliwaud
triffä autag öppär und merkä die figurä da simer scho au bekannt
autbekannti triffi hiä immer wider
i fingä die schpure vo ihnä im ungerhouz und fragä mi wo si sih blibä
doch si sih nur opfer wordä vor modernisierig
wiu der wouf geit nümm usem waud, suecht diä bitches iz uf tinder
und der gschtiflet, verkateret ziäht no schnäu zalando ab
bschteuä, trägä, zrüggschickä, das isch wiemes hüt haut so macht
am müller sini tochter macht iz d lehr ufder bank
und wird dermit ni riich aber schpinnä tuet si glich
wiu wo stroh goud wird wärdä d lüüt geng wie fühler
houptsach ä läärä sitz näbä sich und schoggi idä müler
mit süässem chönnts ou knapp wärdä sit der eurokrisä
het z läbchuechähus nämmläch scho schteuä müässä strichä
und das isch geng ä guete arbeitgäber gsi
mit sächs wuchä feriä und äbä zahlä wo nümme schtimmä schins
Hook (2x)
Auso torkleni langsam dür diä märliwäut
womer eigentlech aues chönntä aber d wärmi fählt
wiu mit chli fantasie isch jedi pfützä äs meer
und du gsesch us tränä wird ä see
Strophe II
d chilägloggä schlaht zwöi mau ah
säg söttä die zwöi mau ga
d prinzässin ufder ärbsä und ihrä schwarm us dere bar, ah!
auso macht si no schnäu es selfie mit ihm
schickts när hei zu ihrem père und seit si schlafi gad hie, yeah!
sih wird erwachsä brucht ke gmüäs meh i ihrem duvet
fahts langsam afa gniässä numä d chnöi tüä weh
ufem heiwäg erblickä si die auti holle ufem baukon
si schüttlet amene chüssi wiiterunge crashe autos
doch si chönn nüt derfür, beschwärdä bitte a gott
si mach nur ihrä job, winä cop, wiu ärs so wott
beschwichtigt sih witer amnä bsungers grossä chüssi rüttelnd
haub zwunge haub zfride haub gschworä haub gschwigä - tscheggsch?
sih geit im märliwäutautag eifach witerhin friedsam ihrere pflicht nah
wiu so langs niemmer trifft simer z fridä
solang das nur ä gschicht isch simer zfride
Hook