Strophe I
i würd lügä weni sägä dass das ganzä mir gliich isch
ä musklick meh oder weniger ni zviu isch
und d arbeit ade texte und z läbä nur es schpiu isch
unds mir eigentlech egau isch obi gwinnä
wiu lug klar hani ziu und i schaffä o drann
villäch herter aus der eint oder anger da, man
wiu nid die lütischtä schpiler si die beschtä
si lachä villech ender doch es währt nid am lengschtä
i wär nid glücklech weni jedä abä äs glas umäschiäss
und mis göffnete härz mit der gaschtschtubä schliesst
und ig hei chäm für z merkä i bi wider kaputt
einsam, wie erschossä und ums läbä beroubt
wiui meh wärt ufs läbä aus ufd thekä legä
villech bini ja naiv aber i wett bewegä
und weni mir nid hiufä wär süsch?
lueg dir diä wäut ah - mir lah z häufä wär ja viu z tür
Hook
i ha no niä in paris sones schloss anä brügg ghänkt
villech us angscht, villech wiui nieme zrügg chäm
i ha no niä würkläch usfüährlech plän gha
villech wiui z fuu bi, villech wiuis verhängt ha
doch hani niänä sones schloss anä brügg ghänkt
villech us angscht, villech wiusmi eifach iihängt
i ha no niä würkläch usfüährlech plän gha
villech wiui z fuu bi, villech wiuis nid gärn mach
Strophe II
villech fauts mer schwär mih mit öpprem z verbündä
aber denä isch ja z schaffä ou wichtiger aus fründä
wie sötti da vertrouä ufbouä?
versinkä i däm sumpf vode strahlendä ougä
für aui da ussä isch z läbä fasch glich
wend mi fragsch schtimmt das ganzä da äbä gad nid
es isch äs heifischbecki ä einzukampf
und wes di nimmt, tja, denn geisch du haut
ä eitli emotion isch der höchscht priis
wo wenn du geisch närä villech dim nöchschtä blibt
aber meh nid wiu d devisä heisst wiiterga
wiu wär raschtet dä roschtet und blibt nur schtah
darum fählä hüt oftmaus die wichtigä wärtä
und mä redt vo usem läbä grissä wemä muess schtärbä
und ir hoffnig dases mir mau nid glich geit
hangis dusse und luege dasis gniäss, ey
Hook