Hook (2x)
es paar sachä da scho gmacht
viu angeri hani no vor
frag mi ni wiä, frag ni mit wäm, frag mi ni wenn
villäch scho morn
ha die plän da i mim chopf
die skizzänä parat
paar schubladä vou ideeä
nimmsä mit ufd odysseeä
Strophe I
und jedä momänt da wird no grösser
aus d ougä womer entgägä luege und z strahlä nacheme refrain
i mues ga - uf widersehn penelope
verabschid mi für einisch doch mir wärdä üs gly wider gse
schrib diä textä wiiter du muesch gar ke angscht ha
i chumä wider grösser, schtercher zrügg bim nöchschtä landgang
ungerdessä texti blank winä politur
gägnä gnadälosä maestro wienä comic-buur in hollywood
und au die wissä tüächer wäiä wider im wind
doch ou orkanougä stoppä au dä wiuä hie ni
obschon d Ton I kritik mi fasch umghouä het
so viu liebi gitt eim rüggäwind - ungloubläch fescht
drum schribi eifach wiiter setztä der stift garnid ab
fiählä drann, fiirä das, bis tief ider nacht
gseh wiä di angere über news redä
inhautlech numä usredä
doch mini sprach isch tolerant und ihres schwigä laht mi usredä
Hook
Strophe II
lueg du weisch aues über gras
aber ganz sicher nid wiso das d wisä so schnäu wachst
triffsch mi wiiterhin vor blankä bankä siubä biudä
chopfchinoideeä sammlä dankä dasmau wirds ä fium gä
wiu i weiss dassech öpper drannä schtercht
villäch nid der schterchscht aber bitches mir si meh!
irgendwo zwüschä bodäleger vo tatsachä
hosätreger und tarnfarbä
rogers schleger und staatsbankä
blibi immerno da man
lug aues isch ir planig
i fahrä närä gross uf
mitem floss us
boumschtämm us erkenntnis
und i weis kenä heiä kennt mi
aber es geit hiä nid um mi bitch
ds isch was du nid begrifsch
es geit rein um d tatsach, dass das öpper seit
öpper zeigt, öpper weiss, dass öpper fürnä fürä schteit
wiu au diä überbewärtetä bitches
machä dä schäiss numä für ihres gsichtli
ihres gschichtli
dass si am änku chöi verzeuä dervo
aber zersch muesch ä änku becho
Hook
Strophe III
wiu lug wär böses nid benennt
wird outomatisch zum mittäter das heimer haut erkennt
niemmer wird meh fame wäg paar schtrophene hiä
wiu der tämpu voder zueflucht sini pfortä verliärt
wi kapitulierendi katapult i katastrophegebiet
killt üs d intoleranz vo däm block wo regiert
und phautä mir dä röhräblick
merkä mir di schtörig ni
gseh nur gad wie schön das isch
ufder inslä im meer vo schtöräfridä
aber logisch heisi angscht
und logisch ischs bequem
wenn egoismus für di ä option darstellt
de wirds de no verherend
wiu egau us welärä gägend man
es geit eifach nid gägänang
drum stahni am morgä uf
und schribä diä textä da es läbä lang
und verschliess mi vor problem ni
numä wius bequem isch
bouä textlech muurä ab
wiumer immer meh si
doch da wirdi immer wider stah
in fridä aber us widerschtang
wiui ersch gad bi cho
und no so viu fougt
i ha no so viu vor!