Strophe I
i ha gschrouä wie am schpiess ah däm tag vo mim liecht
doch bi mir wirds wohl glück sih, bi angerne ischs chrieg
verglichswis ä guete zug, sächs ougä blinzlä mir gad zuä
obwoui no nimau weiss, für was mä da ä würfu brucht
behüätet imnä zimmerli mit blau bemahlte wänd
bini aus gsi für au diä wo hei gwüsst vo däm zwärg
und so schtahni no hüt da, luegder mau die lüt ah
vergiesse keni tränä wiu bis anhin hets ou nüt bracht
viu zlängi winter, der früählig het mi ufgweckt,
d flädermuus flüglä wider usgschtreckt
grossi ziu und das scho siit dä gehversuechä
und mit gross meini nid z nöchscht mau feriä buechä
i weiss es tönt so loogisch aber viu gloubes nid ganz
wiu zwüschä chatfänschter und nätt lächle isch ä riisä diskrepanz
mit garantie fingsch immer einä wos no besser wüsst
und ou ganz sicher einä wo no besser küsst
Hook
doch isch üsi ziit da
nid sowiso gad viu z schaad
zum zwiit ga und när wider schtrit ha (2x)
chum mir fahrä uf der lingä schpur
mit der nadlä gäg rächts ohni sicherheitsgurt
löh diä cheutischtä ortä da hinger üs
mitmä lächlä egau was o immer blüäht
chum mir fahrä uf der lingä schpur
mit der nadlä gäg rächts ohni sicherheitsgurt
löh diä cheutischtä ortä da hinger üs
mitmä lachä egau was o immer blüäht
Strophe II
I gloub i machä hiä gad der bachelor of life
wiu lueg ke lehrer cha vermittlä was ih gse uf mim wäg
und wieni um gah mit däm, wasi dänk über wähn
und wie problem woni mir machä när verschwindä so schnäu
diä meischtä da gseh z grüscht doch dsch viu komplexer
ir theorie würds ga doch chasch nid gfüäu ersetztä
du merksch das buech da list sech nid so eifach
muesch zilänä um zilä näh und d lückä verschteisch ja?
du fragsch di wiso ig geng so negativ schribä
und fingsch ou nüt positivs idä songs woni liäbä?
doch luegder nur dä tag ah aus einä wo vor nacht weis
ig fröiä mi nur mit vorsicht, dsch sicherer betrachtet me
nur scho mau die rückschleg, konfliktä und krisänä
wiä viu lüt muesch la gah obwou se viu lieber bieder hätsch
villech isch das ja der sinn vom rösslischpiu vo üsnä läbä
zau gäud, hock inä, häb schpass, zrügg i rägä!
Hook