u dussä flügä flugzüg mönschäbepackt i hüser
ching erschiessä angeri je jünger desto grüsiger
wenn es mönschäläbä ke wärt meh het
säg was rächtfertigt de die tatä
so erreignis entschtöh nid grundlos
irgendöpperem schpiuts immer id chartä
auso schpilemer mit offnä bletter mir bringt ds nüt
i verchoufä weder waffä no klicks no gibi füscht
i würd niä im troum wöuä profitiärä vo so moves
scho nur e song derzue müässä z machä regt mi uf
aber es isch haut ä tatsach, dasmers lieber ignoriere
oder mindeschtens vergässä dasmer vo chriägä profitiere
und ig meinä nid ä siitä meh ä neutralä drittä
wo muess brichtä erschtattä und waffä schickä
logisch läbtsechs guet ohni gwüssensbissä
wemä cha grossschpurig uf sis gwüssä pissä
und so videos verbreite sech haut easy schnäu im netz
jedä klick äs kapitau, jedä mönsch dahiä gsehts
aber kenä hiä tscheggts dases schlimmer wird
mit jedem klick, jedem view da gwinnä sih
meh macht, meh massä, meh mönschämörder
luegä zue was der ca$h frisst - meh und meh körper
u dinnä schribi amnä nöiä song und weiss ni rächt weli wörter ig wählä söu
vor angscht verschlosseni ougä, offnäsech leider nid eifach so
vor angscht verschliessä mer gränzä, ziäh züün entlang vodä länder
tribä lüt über fäuder wie härdä - fuck was geit nur ab uf derä ärdä?!
lug der nachrichtäschprächer brichtet täglech us der höu
drum fragimi gad dopplet was dä rächtsrutsch söu
mir maches so nid besser tribä mönsch is eeländ
anstatt d armä fürsä z öffnä schupsä mir sä is meer wäg
schliessä der meerwäg sägmer wo isch der mehrwärt?
si nid aui glich gfangä uf däm blauä planet hä?
ob arm oder riich, mali oder schwiiz,
mönsch blibt mönsch, ob schwarz oder wiis!