Strophe I
wiui überzügt bi das useme track viu meh cha wärdä aus numä ä track
numä im richtigä momänt zuder richtigä zit ider richtigä stadt mit dä richtigä lüt
ds für när entfacht wird
wies tuusig mau scho gmacht wird
die schwechschte si immer ir mehrzau
bueb das lernsch doch scho im schachschpiu
ersch wemer tuusig partie gwunne hei
und der chönig wider mau id chnöi zwungä hei
mir diä golliaths aui überrunge hei
wirsch ou du gseh die titlä si nur schummlerei
wiu niä ä füehrendi wirtschaftschraft
cha füählä was dä beat mit mim härzschlag macht
und niä ä boss vorä bank dä titu wird lose duss ufre bank
doch i ghörä viu lieber zu dä schwächärä
aus mir mit prestigepalmäbletter fauschä wind entgägä z fächärä
wiu fauschi windä wärdä mäschtä brächä
drum drücki diä gringä i äschäbächer
wo meine si müässä cho für z rächtä rappe
so bisch garkeinä nidemau ä schlächtä rapper
Hook (2x)
mängisch chunzmer vor aus wäri ultraviolett
i däm puppätheater wo mir au ä roue hei
mir gö hei, i bis leid
verriss das sitzplatzticket, mir gö hei
Bridge
schön si, nätt si, gschtüret vo au denä iflüss
schön si, nätt si, gschtüret vo au denä iflüss
Strophe II
säg hocksch ni mängisch ou da
aus einsamä mönsch ufrä inslä - klar
meini mit einsam nid würkläch eleini z sih
meh ds gfüäu nid eleini aber einsam z sih
mit der angscht unger z gah ider fluet vo däm lärm
es biudä so viu unger druck vo däm
ihri meinigä wo hüfig unbegründet si
und fingä fründä und verbündeti
und dert faht d gfahr ah du weisch wiso
es isch ni gsung wenn ä eigedynamik chunnt
ä fauschi meinig het no mängi melodie umkehrt
und so z einte oder angere problem beschert
i wott der ou nid sägä dass das d übermeinig isch
verschtahmi hiä ni fausch mir müässä üs nid einig sih
doch wenn nur eis kid überleit
anschtatt wider horoskope teilt
gani mit guetem gwüssä ga schlafä
im nimmerland du weisch
Hook