Sup J
ha mi ufä wäg gmacht zu dir, wüu di zyt hiä nid stah blibt
und wüu du mr denn gseit hesch blib so widä grad bisch
dr momänt woni muess ga bringt sorgä u kummer
u d zyt stricht vrbi wi sonä morgä im summer
was passiert mit derä wäut? nüt bewirkt meh vergnüegä
o usem auerdräckigstä chärn ergit säch de ä blüetä
i ha früecher einisch gseit ds aues mau ä sinn wird gä
obwou säch mi inner sinn immer meh vo mirä stimm entfärnt
du sperrsch di us, bis dä d tür zu dir säuber fingsch
und aues wo dr blibt isch nur z gfüuh ds di wäut ertrinkt
u du wosch meh, wüu mä dir hiä nüt gönnt
es wird nid dunku solang i dir dinn ds für brönnt
si chöi üs aues nä, doch d gedankä nimmt üs niemer
d wäut isch nur grau wüu säch ke farbä dinnä spieglä
so blibä mr gnuä wachsam im druck wo nur stigt
und tribä langsam witer, im fluss vo dr zyt
Hook
simerni ni aui dri gheit, ohni würklächi gründ,
i cha dir zeigä wiä aber niemaus lerä wimä schwümmt,
wiusi sägä gägä strom wärdmä stercher,
doch ou ohni grund chunnter immer necher
Nikn
lug bevori registriert ha wäri bi u wasi wott,
schwümmi blindlings im strom mini gedankä noni gformt,
doch ds flussbett wird sichtbar, je lenger i mi blick starrsch,
und luegi di ah merki für di isch lengschtens unverzichtbar,
wiu nüt übrig blibt aus tropf ufä heiss schtei,
redä umä heiss brei - schiudbürgerstreich weisch,
i ladi gärn im gloubä dass du z rueder no ir hanghesch,
bis di nächschti bööä chunnt u dir di kahn chert,
mit der zyt verlö eim d chräft wiu gedankä schnäu veraute,
sezemer üs wichtigi iz haut hingerne raute,
u meinä s isch när gmacht? sorry wird mau wach!
dr käpten kapitau het numä lüter drüber glacht,
und geit im monopou-monopoly einisch über start,
erwitert sini saat und lacht übere staat,
wiu keinä ischsech sicher was ir schtrömig vonim blibt,
drum waati immer wiiter im fluss voder zyt
Hook
Roumee
frei si ider kunscht isch dä wärt womer blibt
o we der räscht voder wäut dänkt i verschwändä di zyt
dr ruum woni zum tröimä ha si 4x4 bars
doch wähli nid di richtige wort, wird mi niemmer verschtah
und o ig luege wäg bisi einisch mau erblinde
aber aus isch ja no guet solang ig frei bi i mir innä
wi wosch öppis bewürkä we di meischte nid wei handle?
was bringt freiheit i gedanke wed nur ä teil bisch vo däm ganze?
jedä vo üs isch ufder flucht vorem dunklä
i bi froh bini nonid i de fluete ertrunkä
es hetmi niemmer gfragt obi hie mau wott strande
aber sit ig mi cha erinnere isch z liecht i mir an
i ha angscht wemi z schwarze vor pupille erschreckt
das woni bi blibt für immer i mir innä versteckt
mir ziäh z läbälang ä gränzä doch am schluss simer glich
jedä vo üs isch nur ä tropfä im fluss voder zyt
Hook