Näbumeer

Nikn

üsi gmeinsamä tröim si scho lang nümm wahr,
bitte fahrmer glich no einisch mit der hang dürd haar,
nur no einisch so tue aus wär aues no wi früener,
när gani - ladi ga - ohni ä witeri berüährig,
verändre üs ächli, schpilä erwachsäni rouä,
xe so viu da usse wosech s chingsi nümm trouä,
problem blibi besser verborge - nei,
di dümmschti erfindig isch es poker face,
jedä abschied isch hert o wes viu ni wei bezügä,
ersch wennd öpper verliersch wirsch die wort ni chönnä lügnä
tränä trochnä uf ihrem wäg üsi wangä z dürab,
u mit der zit wird säubscht der auerhertischt normau,

i haders gseit, es wird nid eifach hiä,

mir hei die beschtä ressource aber chrenkschtä ziu,

u drum wirdi gah - lieber hüt aus morn

drum wirdi gah, lieber hüt aus morn

 

Hook

mir si blindi pilotä imnä näbumeer

mit autä instrumänt aber gägäwehr

o we teu d landebahn villech niämeh gseh

flügä mir höcher mit mä ziu wo dir niämeh heit

 

Sup J

i wott wit wäg vo hiä, wit wäg immerno

si sägä blib no chly hiä, im ärnst chlynä bro

wüu geisch wäg isch es eis, blibsch hiä machsch nüt fausch

doch genau diä scheiss ihsteuig hiä laht mi so chaut

wüu dr abschied schisst ah, doch blibä isch nid schwär

di wiuä isch nid frei, doch di fridä ligt im härz

u i däm goudigä chefig hiä isch mr aues z läär

si houdigä prediger doch figgä ufä räst

auso machi mr nüt vor ds es einisch mau de guet wird

si suechä z ganzä läbä bis dr heilig grau de furt isch

läbet eues schinläbä, theater hei ä schluss

mit päch wachsch einisch uf u fragsch di vouer frust

was dä da di ganzi zyt wük machsch u hoffsch es chunnt

einisch aues angers aus nur tagelang dä schund

aus hättis berächnet isch nä z kämpfä ke grund

drum blibä lääri versprächä und tränä us goud

 

Hook

 

Nikn

ersch we di letschdi flokä gheit isch dä winter verbii,
doch bis denn schribi wiiter arä unbekannte gschicht,
mir gö glych zuefällig wimer cho si,
niemmer vo üs weiss was morn isch,
und i ertrinke villech irgendwenn im fluss vor zyt,
doch bis denn hockeni im nachtzug zu dir,
wosech mis gsicht drinne schpieglet jedi fautä klar,
man i gloub mit der zyt wird ig ä autä maa..