Strophe I
är schteit 365 tag hingerem härd
wiuer ni wüsst wiener süsch siner chinder ernährt
jedes bouillabaisse es kunschtwärk
ä zouber fürä goumä
jedä schweisstropfä ä chund wärt
sih loobä dürnes rounä
wenn är mau us der chuchi chunnt isch d hochachtig gross
doch chunnt der lohn fragt är sich wo blibt d hochachtig bloss?
und ds isch nur verständlech gueti miinä böses schpiu
säubscht der täuerwäscher lachetsech ids füschtli bi so "viu"
doch was früähner mau het fröid gmacht, macht hüt nurno müed
bi jedem gang richtig gfriehrfach isch är nurno betrüebt
ds isch z los vomnä choch
ds isch z los vomnä künschtler
du weisches
si weis haut immer günschtiger und günschtiger, fuck!
är schpöit nimau id pfannä währendem chochä
richtets när no schön ah und begnüegtsech mitem chnochä
doch wiso nidämau chli der spiess umchehrä?
dänkt sech der choch und faht sich plötzläch afah wehrä!
Hook
wiu ds ganzä schteit uf schtäuzäbei, gäg ussä isch guet
was muess schtimmä isch der ihdruck, schön das jedä so tuet
ou wenns heimlech aui wüssä, d' fassadä küssä
vermeintlech wissi westä fingä irgendwo es gwüssä
ds ganzä schteit uf schtäuzäbei, gäg ussä isch guet
was muess schtimmä isch der ihdruck, schön das jedä so tuet
ou wenns heimlech aui wüssä, d' fassadä küssä
vermeintlech wissi westä fingä irgendwo es gwüssä
Strophe II
sih macht die wunderschönschtä bluemeschtrüss zu aunä erdänkliche ahläss
und näbäbi schafft sih di angre 50% im haargschäft
aui lügt sih überzügt, was sih ahlängt wird es wärk
niemmer mahlt sech us was wär, wenns die frou mau nümme gäb
sih isch ä künschtler durch und durch, si cha das mitem schnide
ou wenn sih mängisch paar schtung lenger ah ihrem arbeitsplatz muess blibe
chasi ke überzyt ufschribe, schribt des öftern roti zahlä
doch lächlets wider wäg, wenn ihri lüt am usgang strahlä
dsch kes läbä e so!
sih wacht um mitternacht uf, i ihrne gedanke numeno pflänzli oder ä nöii frisur
am nöchschte tag wider schtrüssli oder hochschteckfriisä
sih verschöneret zwar d wäut, doch isch säuber inere krisä
es passiert was muess passiere imnä schtiue momänt
wo sih einisch meh merkt, dass ihre z läbä da fäuht
schnappt sech es mässer und laht süüferli d badwanne ih
schnidt es auerletschts mau - u ou das no präzis.
Hook
wiu ds ganzä schteit uf schtäuzäbei, gäg ussä isch guet
was muess schtimmä isch der ihdruck, schön das jedä so tuet
ou wenns heimlech aui wüssä, d' fassadä küssä
vermeintlech wissi westä fingä irgendwo es gwüssä
ds ganzä schteit uf schtäuzäbei, gäg ussä isch guet
was muess schtimmä isch der ihdruck, schön das jedä so tuet
ou wenns heimlech aui wüssä, d' fassadä küssä
vermeintlech wissi westä fingä irgendwo es gwüssä