Part I
chum mach die fänschterlädä zue - mir schottenis ab
ha gd ke luscht ufne input vo paar trottle ir stadt
sih shoppe sich ab und mache d' gäudbütlä uf
schtiue d' lääri i ihrnä chöpf mitmä übervouä buch
öiä säubschtoptimierigszwang fingi no cool
wo jedä mönsch z gfüeu bechunnt är bringi d' leischtig nid uf
zum ganz a der spitze stah
drum tanze mir gad mitenang
hand in hand is nimmerland
jedä wünschti sich sones action-läbä
doch es wahrs "i liebe di" cha ke app dir sägä
anerkennig programmiert dür irgendwelchi dubblä
wenn jedä hiä ä star wär würdne niemmermeh bejublä
doch ds isch nur ä song und das rein hypothetisch
ä verharmlosti kunschtform wo meile entfernt isch
vo potentiellä parntner wo bim ändrä chönntä häufä
u aues hei vergässä, i zwöitä/drittä wäutä
Refrain
faus du mi ni vergissisch, tuet mer ds leid
i schrib nur zwöi, drü gedanke uf mit däm tape
villech lösts ja öppis us, ni hüt u ni morn
bedankä chaschdi speter bi füchs u bim wouf
Part II
chum riss di fänschterlädä uf - mir facklä nid lang
jedi sekunde womer verliere isch entscheidend im kampf
gäg d' existänz vore gwaut wo nur symbolisch isch
nützä 1000 gueti fragä oder vorsätz ni
du bisch der bescht mönsch, wod je chasch sih i däm momänt
wodä merksch, dases ohni es WIR ni witer gäng
solang so viu da ussä di vo obä wei betrachtä
sage mir geduldig bis sih zämä zämäkrachä
im schpiegubiud vom wiegeli fingsch ke ungerschied
das aues a dä mönschä ligt, gloubt mä ungä nid
dasmä ufteilt i klassä, ungerscheidet i rassä,
behandlet nach gschlächter, richter und wächter
isch aues zumnä zwäck vomnä chlinä teil
wo imnä glashuus hockt wos niä inäschneit
wiu hinger schibä vo riisigä glaskomplexä
vergisstmä au zu oft wie sehr, dass schärbä verletzä
Refrain
faus du mi ni vergissisch, tuet mer ds leid
i schrib nur zwöi, drü gedanke uf mit däm tape
villech lösts ja öppis us, ni hüt u ni morn
bedankä chaschdi speter bi füchs u bim wouf