Nikn
auso stahni ufem randschtei und mir gägänüber
numä früürendi, hüülendi, wüetendi bürger
wosech wehrlos anä iischchauti dosä chlammere
mitem herbst sigi d wermi verlorä gangä
i weiss garni was die hei, i bi lebändiger denn je
mit jedem schritt richtig abgrund ä abdruck i schnee
ziehni spuure dür die gassä uf däm boulder beat
verbii a läbä wod chasch meinä, dass nie d sunnä schint
aber gly singä wider auti glider fürä fridä
a eggä wo a eggät wär ke rooti chiläsidä
umä haus het treit aber aues geit
sobaud der batzä fliesst und ä abschluss schteit
und sih hangemer adä lippe sägä du bisch wider drann
aber ton III, IV, V, ischmer z wider man
fragmi bitte ni warum i ha ke bock übercho
uf dä journi wo vor dir grad het ä block fürägno
no schützi mi säuber, mit rap i mim chäuer
versteckt hinger kartons vou schüsslä u täuer
ha winterschlaf ghautä dürä summer ke textä
bedankdi bim nöischnee womi gweckt het
Hook
u vilech wei mr würkläch mau ahcho
mit dr hoffnig mir sy nüm meh so planlos
allei ir ä wäut wo allei sy normau isch
u niemer meh dra gloubt ds d befreiig no da isch
Sup J
iz bini 21i und z läbä nimmt si louf
mir hei hürdä z bewäutigä, ds nämä mr ih chouf
i ha mis ziu und brüetsch ja i schaffä dran
dr herbst isch cho und i hami zrügzogä tagelang
u vilech wünschi mr ja innerläch mau ahzcho
doch bi insgeheim immerno so planlos
d bletter sy gheit und mit däm när oh d tröim
ws dä zersch nid versteisch, ds nimmt dr när oft d fröid
d zyt si verstricht aus wär si farb a dr wand
kennsch du ds gfüuh we jedä fragt was dä machsch
du d anwort gisch u nachm satz ä chly lachsch
wüu aues wodä wosch nid zu dä tatsachä passt
vili stöh im mittupunkt, i blibä no chly näbädran
u vilech sy mr mau de zfridä mit däm wärdegang
du fingsch mi am schribä i dr rathusgass
während d wäut witer dräiht und di stadt ufwacht
Hook