mir schwäbe aui zäme dürne luftlääre ruum
und wüsse eigentlich nüt, nidmau wo d' luft härä chunnt
finge d' sträne aui schön, obwou sih scho erlosche si
und wärde glych nid schleuer, obwou mir permanänt am forsche sih
i meines nid ignorant mir hei scho so viu gschafft
aber hang ufs härz aus masse ou scho so viu verkackt
nur isches haut ä fakt, dasmer lieber drüber rede,
dasmer d' ärde chöi verlah und 'nis dürd schiebetür bewegä
doch isch's nid ou d' angscht wo mir vor angerne hei,
dasme hüt a flughäfä no ih schlangene schteit?
zwüsche virtual reality und body scan safety
schpile mir doch aui gengno boys gägä meitschi
benähme üs so oft aus wärs es veritabels heimspiel
bis d' natur chunnt und zeigt, wär würklech deheim spielt
es geit nid drum dir furcht ihzflössä
meh z bewusstsih problem chöi mir dür flucht nid lösä
i finge, i bi ke pessimischt ha nume d' frässä vou vo früecher
ä hand vorbilder, lise drum villecht die büecher
ou wenn sih närä finge dasi ähnlich tön
hani es lächle für sih übrig, wius mih äuä schtört
im sumpf vo mire psyche waati au tag ä lengi,
wassech nie widerspieglet ir kontur vom hemmli
au zu oft fählt nid d' zyt - sondern d entschlosseheit
wirde nie vergässe womer üs z' erschte mau troffe hei
obwou ke wärbebanner je cha zeige was ig füehle
wirds wyter spammails i mi chaschte inespüehle
fuck
es macht mi trurig wenn ig's gseh
leider nur es sinnbiud für viu grösseri problem
mir lernä zersch loufe, när redä, när teilä
um abzsitzä schtiuzschwige und ihzschtah ine reihe
di beschtä frage sih die wome ke antwort bechunnt
und wieso treit dä nikn eigk ke gun vor im gurt?
villech isch aues nur ä bühni?
und ig nur schtatischt?
und irgendwo ä regisseur wo lacht über mis gsicht?
wär weiss..
i hocke emu zfryde i mim chäuer
duss ä warmi summernacht es wird scho langsam häuer
je lenger, dass ig starre schwäbä d' ydrück i chopf
und d' zyt verliert der sinn, wenn ig die beats dürelos
vor paar jahr mau gstartet mitme TON
und iz beändi 'z dritte - wider eis woni zahle
doch ig schtirbe vouer glück bim gedanke ah die zyt
und hatet dir die lines nur wiui ruehig bi dinn
verrisse mi nid cool 'z sih wie angeri hie
lue i bi eifach nume mi und du nid gange bis hie
wär weiss scho was aus nächschts chunnt,
wenns i de stärne schteit
villecht ä trilogie fertig am änd vom tape?
der regisseur macht d' klappe zue - dir fätzetnech für nüt
und wenn sih no nid gschtorbe sih, denn rappe sih no hüt
i ha scho viu z' oft, viu z' viu lüt enttüscht
ds tuet mer leid
kunscht isch für immer
ou wenn aues richtig abgrund tanzt
gibi mi nid häre, bis der sound stumm schlaht
rennä graduus wyter uf muure zue
ir hoffnig si schwinde, wennmer d' ouge verbinde
ä band würdi villech sogar gründe
doch anschtatt fründschafte schliesst me haut es netflix abo ab
ä schüche schutzschiud - i bi lang scho gschockt
wiu d' schtimmig erhitzt, wie im dampfchochtopf
u fragsch wiesne geit de flackere sih
wie d strasselampe womi het ir nacht lahsi
armi mönsche ruume witerhin chips ih regau
und z' viu liide immerno ah qual ohni wahl
grossi gwinne wo zerrinne wine zau bella zau
was blybt scho angers übrig usser
ciao bella ciao