Für Di

Strophe I

es gitt lüt, die chnöile jede tag

sicher acht schtund voreme regau

für am abe ufem heiwäg im bus chönnä z' läsä

sih sigä nid wiukomme i däm land wosi läbä

ou wenn z' einzige was sih kennä ihre heiwäg isch

fingesi säutä platz ufme freie sitz

ruckseck si wichtiger aus d' psychohygiene

vo mönschä wo no so viu vode bsitzer chönntä lernä

wiu haublute hass wird haut oft toleriert

und ä grau-brune pass nid aus rot akzeptiert

i mim land, wo süsch gärn mau no fortschrittlech wirkt

aber d' lüt di nur bejuble wennd ä topspiler bisch

konkludiere tue rentiere süsch bisch nüt wärt

was wär der ibra ohni zouberhafti füess säg?

wou nur ä einsame maa imne bus ufem wäg hei

usme lade vou regau mitere zytig wo nur schäiss schteit

Hook

das isch für di, wenn du z' gfüehl hesch alleini z' sih

für di, wenndä meinsch mä verschteit di ni

für di, du bisch nid allei

das isch für di, wenn du z' gfüehl hesch alleini z' sih

für di, wenndä meinsch mä verschteit di ni

für di, du bisch nid allei

Strophe II

es gitt chind, die wärde sitem 1. tag

vo aune angere uszeut ohni schwächi z' ha

sih dänkä sih si angers ohni z wüssä warum

ligts ar huutfarb, körper oder süsch ame grund?

ds isch ungloublech, aber es isch würklech ä so

ig ha ds live mitbecho bevori gwüsst ha wiso

wine gruppe schueuching, sprüchlet im chor

wägere scheiss nachsiube imne nachnamä bro?!

aber klar machemer uf aus isch okay

wius konformer isch und üs nid der schpiegu ufzeigt

doch erklär mau amne kid, was ä staatebung nützt

wenn säubscht blaus bluet nümme vormä hämatom schützt

so wird wiiter jede herold zumne hiob nid meh

wod ufem heiwäg hinger zytige i busse so gsesch

und üsi ching lernä witer ä unterschied

wo wenn mir ganz ehrlich sih, eifach erfunde wird

Hook

das isch für di, wenn du z' gfüehl hesch alleini z' sih

für di, wenndä meinsch mä verschteit di ni

für di, du bisch nid allei

das isch für di, wenn du z' gfüehl hesch alleini z' sih

für di, wenndä meinsch mä verschteit di ni

für di, du bisch nid allei

Strophe III

und när bisch da no du, villech privilegiert

villech eis vode äbä gnennte bischpiu im lied

uf jedäfau ufmerksam, wenndä losisch bis hie

fingi wichtig, wiu z' thema hets, so meini, verdient

doch so lang so sache meh hermetisch abgschlosse wärde

aus öffentlich mit jeder konsequänz dergägä z' kämpfä

blybt das ganze nur es lied und ä wunsch nach verbesserig

u niemer wird je wüsse obs de würklech mau besser wird

di wort ghörtmä z' säute, chly wie hip-hop im radio

und z gärtlidänke blybt, solang z gwitter bim nachbar chunnt

doch träffä chas jedä, aso lanis drüber redä,

ob ä blitzschlag vom schicksau ni tatsächlech hihout

für aunä ufzzeige, dass ds los niemmer wott

doch jedem hie in irgendere form villech droht

und wennd denn a däm punkt bisch, wärsch villech ou froh

wenn am waud vou chaute schultere, es paar offni arme fouge

Hook

das isch für di, wenn du z' gfüehl hesch alleini z' sih

für di, wenndä meinsch mä verschteit di ni

für di, du bisch nid allei

das isch für di, wenn du z' gfüehl hesch alleini z' sih

für di, wenndä meinsch mä verschteit di ni

für di, du bisch nid allei