Sup J
ja z läbä nimmt si louf, und aui gschichtä blibä glych
i ha lang nüm meh gwüsst wäri izä wirdä sy
du hesch hunderttusig fragä und niemer wos begrift
du weisch nid was chasch machä u fliehsch iz mosaik
mängisch chunnt d antwort ersch denn wenns nüm dänksch hättsch
und aues angerä si sinn scho lengstens verfeut het
vili hei nid checkt was es wük heisst di säuber z sy
wüu d richtig hiä fausch isch und d lüt geng nur bländet sy
vilech wachi eines tages uf u ahnä nix neus
irä wäut wo säch d lüt bechriegä wägä bitcoins
o weni z tusigstä mau mini sorgä iz duä ufschribä
hiufts vilech öpis u i cha morn de widr d ruä gniessä
dr schnee isch plötzläch cho und mit ihm o d bitterkeit
dr frohsinn chunnt widr we z iis mit em winter geit
drum wart nid uf morn, vilech isch es denn scho z spät
mach dini ougä uf und blib geng konseuqänt
Hook
lug i weiss ni, villech bini fausch
villech isch ds aues was mir machä nur ä spalt
imnä riesige gletscher überdeckt mit schnee
doch chasch i iisigschtä zytä üsi spuurä xe
Nikn
mir chömä aui vo so wit wäg
sih salonfähig worde mit de wort "wi nätt"
hei üsä geischt chly veränderet u zeigt wies geit
d konsequänz isch aues angre ligt i einzuteil
verzeumer nid "dsch fair" - ds sig haut z gschäft
we 42 so viu hei wie der ganz räscht!
weli sabotierti meinig cha ds guet heissä man?
u nei es geit hie nid um bluet, schweis und kampf - fuck!
ungerwäx ider stadt wird mi blick nimmersatt
i fragemi wo gani hi wenn dä shit da ni klappt?
stah am scheidewäg, ähnlech wie so vili da uss
wiu s isch jedä tag z glichä schäiss schpili da uss
mini kritischä gedankä hiä i tagebuechtextä
verfasseni viu lieber aus ä panikschueb z meistere
drum lanis zämä redä de macht ds wort o sinn
wiu z letschdä woni wett isch ä lottogwinn
Hook
Sup J
weisch d jahr sy verbi zogä und ig mit inä mit
aues geit verbi und drum blibt mir iz nur d gschicht
aus ching wird dr gseit ds dä speter de muesch leistä
wenns mau so wit isch wirkts winä kerker fr di meistä
du wirsch euter, plötzläch louft ds rad vo allei
di einzig frag wo mr hei, wenn isch dä tag mau erreicht
wo au zfridä sägä mir sy ke zau sondern teil
vorä gseuschaft wo jedä di glych verantwortig treit
au wäsä wirkä trist, bis mr stärbä gits ke hiuf
drum bruchä si geng d usred, weisch z läbä sig ke fium
wüu im fium gits happy ands, si luegä ds es dert blibt weisch
doch du bestimmsch, vo iz ah bis id ewigkeit
wi du wosch läbä und niemer angers redt dr dri
di zyt hiä blibt stah, mir sy gfangä im paradies
iz hockäni im warmä und wartä uf ä summer
we d ruä widr zrüg isch, wüu z kahlä bringt nur kummer
Hook