Autag

Strophe I

auso fülleni mau wider chli fantasie ines glaas

binge böim ah ballön fescht und ha derbi spass

wiu vo tusig tätigkeite woni täglech hie erledige

si nühundertnünänünzg gar nid z redä wärt

und die einti, die tusegschti wo mir öppis bringt

isch ds schribe vo dene zile ou weni niä öppis bring

und i weiss i mache das und i mache das für mi

und i schribe hie die strophe und villech bringse nie zu dir

guet villech bringse use aber si finge nie zu dir

oder du ghörschse und du löschischse wius schäisse klingt für di

lug mach doch was du wosch i dim autagsaubtrou

kiffä oder ässä oder süsch ä sünd - auso

aber misch di nid bi mir ih wiu i weiss wasi wott

lami la dänkä wiu i schribes de im block ufe block

und das blibt wiu das schribä isch mi anker im see

mir si stadtpiratä u schtächä mitem dampfer is meer

 

Hook

hüt ischs - aber was hüt isch, isch morn scho nümme

u glych si mir im autagsstrom am schwümme

u si sägä mir chöi das nid ändrä

hinger üs ä sackgass chöi nid wändä

 

lug was hüt isch, isch morn scho nümme

u glych si mir im autagsstrom am schwümmä

u si sägä mir chöi das nid ändrä

mir chöi nid wändä

 

Strophe II

fassadene vou autagsschtoub

täglech fingi mi immer wider i däm autagsschtou

wär abwächslig es grüsch wäri autag toub

und wär einisch wini wett wär mis glas haubvou

wiu egau wie viu likes und follower du hesch

die si aui wider wäg mitem off-chnopf verschteisch

aber d uhr träitsech wiiter, zeiger seklä übers zifferblatt

aus wettesi a schärme wius unger der uhr schiffet man

drum liebeni das schribä wius die dunkle ziite liechter macht

trend chömä und gö so schnäu, was z ganzä da nid liechter macht

i hasse au die mediä wiu dank ihnä heisi liechter macht

i schliesse das i zilä wius nid mängä hie het liechter gmacht

no immer hockemer aui im glychä boot

und no immer heimer aui die glychi sorg

dä autag plagt üs aui am glychä ort

wär ds ni checkt isch äuä schonä lichä wordä

 

Hook