Strophe I
i zieh zämä mitem morgedunscht dürd gasse wo no schlummere
nur der brotduft bim beck leit sih arm um mini schultere
aus wett är sägä: "gang nur wiiter es lohntsech später jede schritt"
no gloubis nid ganz wenn ig dänkä wie viu müeh mir jedä gitt
wiu mit jedem witere chunnt ä nöiä fragebärg uf
d lascht wird grösser uf dä schultere, woni tragä bärg uf
und ungerwägs find ig ke lösigä nur chrüzigä und rätsu
schribe iifrig ih mis tagebuech glicht chrüzworträtsu
immerhin nid schiffversänkä oder süsch sone piss
wo sih im mittumeer grad abzieh und lüt strafe dermitt
mi chopf roucht währenddämm da hie die strass schlifrig wird
und sih unger schneebedeckte dächer dänkä, dass schlaf wichtig isch
Refrain
me söu sis glück nid sueche, doch wär suecht dä fingt
i cha no lang zum brunne loufe, doch dä chrueg är bricht
auso machi lieber witer mit de strophe woni cha
u schliesse mi de irgendwenn ah öinä schlangene ah
me söu sis glück nid sueche, doch wär suecht dä fingt
i cha no lang zum brunne loufe, doch dä chrueg är bricht
auso machi lieber witer mit de strophe woni cha
u schliesse mi de irgendwenn ah öinä schlangene ah
Strophe II
liebi isch viu wichtiger aus schlaf..
i finge liebi isch viu wichtiger aus schlaf!
wiu wenn ig irgendwenn de mau, ufmä bugguwau rüggä
richtig küschte ungerwägs bi und die fängerboot wägspick
wirsch de gseh, früehufstah ds hetsech scho glohnt
ou wenn nur metaphorisch, doch i schteue äs boot
und holä d' grächitgkeit zrügg ou wenn mir schlafmangu droht
und ja ig lah di gärn la dänkä ig sig dürä bi rot
doch bini nid, wiu ds isch nur ä morgäschpatziergang
mi wunsch uf nächscht wiehnacht und mi chopf wo äs lied macht
und irgendwenn wirsch gseh; liebi isch wichtiger aus schlaf
liebi isch viu wichtiger aus schlaf!
Refrain
me söu sis glück nid sueche, doch wär suecht dä fingt
i cha no lang zum brunne loufe, doch dä chrueg är bricht
auso machi lieber witer mit de strophe woni cha
u schliesse mi de irgendwenn ah öinä schlangene ah
me söu sis glück nid sueche, doch wär suecht dä fingt
i cha no lang zum brunne loufe, doch dä chrueg är bricht
auso machi lieber witer mit de strophe woni cha
u schliesse mi de irgendwenn ah öinä schlangene ah