Strophe I
es isch e länge wäg ad spitze
es isch e länge wäg ads änd
und würd ig mi ständig verirre
wäri villech säuber scho längschtens wäg
wiu jedes somatogramm nur e scheiss wärt isch
wennd ungerwägs überleisch, dasd ufme scheiss wäg bisch
di ganzi umgäbig uf di wiene scheiss wäut wirkt
und dis gfüehl seit "du bezwingsch dä scheiss bärg nid"
i verstah di
aber trotzdäm
bini mir sicher ä wäg schteit dir no offä
ou wenn die devitalität di ah ahschlag bringt,
chöme zyte so chaut, dass sih der arsch ab friehrt
und du merksch
uf dere schwarze strass
fouge au de wiss gstreifflete linie nah
und wennds genau so machsch, wird dir es liecht uf gah
wiu es geit viune so - nur chöi sih nid derzue stah
sih schtöh am strasserand und klatsche chly
i chami nume widerhole, wie chlatsch sih die?
wiu du bisch heimlech die ehrlechschti person wos gitt
wiu jedä tränä haut es zügnis vo erhlichkeit isch
yeah
und vili chöi ds nid
darum chapeau vor jederä tat vo dir
wiu di andere die chraft nid chöi ufbringe weisch
lader vo ihne nüt ufzwinge nei
Refrain
starch sih, immer wider da us, aber trotzdäm mönschä sih zerbrächlech
Strophe II
ig schlafe am abe am füfi am träffpunkt ih
inere mängi wo wild gwordne ameise glycht
müed vomene job wo es mittu isch
ä zwäck 'z erreiche wo du iz gad fyrisch
villech ou nid, wiu du chasch ruehig ou mau
mi nid cool finge für was ig eso mach
i finge ds normau und i finge ds guet
ig fyre o nid aues, je nach sinn und luhn
doch, dass di beschtä jung schtärbe isch e schwache troscht
ire wäut, wo dir permanänt der abschtieg droht
jedi sekunde wode zwiflisch obde guet gnue bisch
gheit es sanduhrchorn ids bett vom fluss vor zyt
unger druck isch nid easy - i weiss wies isch
verkacke geng säuber, wenns wichtig wird
und muess mir näre immer säge es isch nid e so schlimm
ou wenns haut zwöi, drü momänte nid richtig schynt
wiu wär dir vorgitt ob dis handle korräkt isch
mägisch genauglych alleini im dräck sitzt
d' mässlatte hoch häbt und sich nid drah haltet
vergisst wie fragil mir üs aui hie gschtalte
jede mönsch, ober sich nun ufschpielt oder umfällt,
isch eifach o geng chly es abbiud vom umfäud
und das söttsch haut ou nid vergässe hie
bitte vergiss ds nie
Refrain
starch sih, immer wider da us, aber trotzdäm mönschä sih zerbrächlech