Heudä

genau hüt gani use und i fragä mi

wo si aui die heudä hi?

wär schpiut da scho nid numä äs schpiu?

und wäm wird das ganzä scho numä ni z viu?

früäner beschütztend die schatadt überflogä

oder zmingscht hanis gloubt - si hei denn scho glogä

lueg wiener platzt der american dream

es isch wahr lug es gitt kes avengers team

au die aute heude si tot

oder jedä kämpft iz numeno nachere norm

es isch kenä muetig, jede nur so haub

doch si chöi nüt derfür wemä nid angers darf

hie wird der standart eim scho id wiege gleit

das isch werum kenä meh z überwiegä weiss

immer nur lächlä, immer nur nickä

nid z hingerscht, nid z vorderscht, ir mitti sitztend

und aues wo es bitzteli angers isch

wird verurteilt und gjagt bises gfangä isch

und wo blibä d heudä, diä retter vor nacht

zämäkaueret ungere dechi wärdä aui hie schwach

wesech einä nümm getrout, chunnt der zwöit o nümm

u när der sächst und der sibet und der acht, der nünt

und äso wird när jedä hie id schrankä gwise

und am jackie sis schiff geng uf anker lige

am batman wärdä d flüglä gschtutz

am spiderman geit d sidä us

der superman verlaht der muet

är getroutsech nidemau meh usem hus

und bir königin hange keni schpieglä ar wang

und am peter fougt niemmer meh iz nimmerland

aber wär gloubt scho a wunder man

alice, äs gitt ä kes wunderland